Home سياسي او ټولنيزې ليکني يــــــرغـــل او وتـــــــل !

يــــــرغـــل او وتـــــــل !

هیښوونکي ده کورونا د کووید ۱۹په نوم اود امریکا له خوا د افغانستان پرضد جګړه ۱۹ کلنه جګړه بلل کیږي. دواړه مترادف نومونه دآبرځواکونوچین او امریکا له لوري يو ویروسي یرغل اوبل پوځي یرغل باله شي .
پوره ټیک ټاک ۱۹ کاله د مخه د ۲۰۰۱زیږدیز کال د اکتوبرپه ۷ نیټه د سپیني ماڼۍ فرعوني واکمن جورج ډبلیو بوش له خوا د ناتواونورو نړیوالوکابو۴۸ هیوادونووسله والوځواکونو د طالبانو د اسلامي آمارت پرضد یرغل وکړاو د القاعده د مشر اسامه بن لادن ترپوښښ لاندې د طالبانوواکمني دړې ،وړې او د پای ټکی کیښودل شو.
دادی نـن د ۲۰۲۰زیږدیزکال د اکتوبر په ۷ نیټه پوره ۱۹ کاله وروسته د سپیني ماڼۍ کورونا یې واکمن دونالد ټرمپ له افغانستانه د روان کال تر پایه پوري د ټولو امریکایې وسله والوځواکونو چورلټ وتل اعلان کړل.
په یوه نیټه د اکتوبر۷ نیټه د یرغل او وتل په نومونود امریکا او افغانستان په تاریخ کې ثبت شوه.
په تېرپېرکې هم د وخت دآبرځواک شوروي جمهوریتونواتحاد وسله والو سرولښکرو د ۱۳۵۸لمريز،لیږدیزکال د مرغومي په ۶ نیټه د افغانستان پرضد وبلوسل اوپه دغه ښکیلاکګریرغل یې د افغانستان خاوره د افغانانو د وژلوپه پولیګون او د میلیونوافغانانوبهرته په کډوالیدو بدله د سیمه ییزي ارتجاع اونړیوالوځواکونود انقطاب اوخصمانه تقابل په جغرافیه واوښته . قطبي سره خرسان لس کاله ډخونړيوجګړووروسته ۱۹۸۸ کال د سلواغې په ۲۶ له افغانستانه ووتل او له وتلو څه موده وروسته دا د سوسیالیزم ستره ماڼۍ لکه د نیویارک آسمان څکي برجونه ونړیده . ۱۵ټوټې اواتحاد جماهیرشوروي سوسیالیستي په فدراتیف روسیه بدله شوه.
د افغانستان د وخت نـنګیال اوتوریال زعامت د شهید داکترنجیب الله په مشری دا جسارت او افغاني همت درلود چې د روسي قطبي خرسانود جدي ۶ یرغل یې توره ورځ اود سروبلوسګرو پوځونود وتلو د دلوې ۲۶ نیټه د نجات اود افغانستان د ژغورنې د ورځې په نوم ونوموله او دا ورځ یې د عمومي رخصتی په نوم اعلان کړه .
ایا اوس مهال به دا شهامت په کوم افغان کې پیداشي د افغانستان پرضد دا مریکا په مشری نړیوال تهاجم اوبیا وتلو ته د ملي غرورښکارندوی نومونه وټاکي .
هډونه شته په ۱۹ کلنه جګړه کې کابو په سلګونوزره افغانان او د امریکا په شمول د نړیوالوځواکونوڅه د پاسه پنځه زره وسله وال وژل شوي او په زرګونوشل ،شوټ او ټپیان شوي دي . د مستوفیانوله حسابه وتلي په میلیاردونو،میلیاردونوشنه ډالر اویورود دغې خونړۍ جګړې او د عرب بن لادن د سرپه پلمه د افغان غمیزي د اور لمبوخوراک شوې. چورګراولنډغرپه کې خیټوراوداسې پخپل سرشول چې ځيني د هیرویینواوکاني توکوپه قاچاق خیټورطالبان په خر مستیو سراوخوارمظلوم افغان ولس هم له لوږې،بې وزلی اوهم د خونړی جګړې په لمبو کې سوزي او امریکا پخپل یرغل اوراتګ سره هغو لا پیا وړي اوڅه ناڅه د داعش په ګډون شل ترهګرافغان وژونکي ډلې ټپلې وپنځولې او ترشا به د سپیدار او ارګ ماڼۍ څپڅبانده ګلمرجان اوغني جان د سلامت او ملامت په لوبه کې راګیراو په دوحه کې طالباني اخوندانواوملایانو د دونالد ټرمپ د نـنی ورځې د امریکایې ځواکونووتلواعلان د خوشالۍ په جشن نمانځي او د خبرواتروپه میز به د چاخبره پخپلو موټو کې ټوخي کوي اوزما په اند د جرګې بیلانس به پخپله ګټه بولي اوځکه یې د هیواد په ګوټ،ګوټ کې د بي رحمه جګړې اورلا زیات کړی .دریغا،دریغا! افغان ولس د ماتم په ویراخته دی. اولا به جنګ جګرې ،ورانی اویجاړی د ای،اس،ای د نامرده پوځیانوپه بولندویې اوګوت څنډنه زور واخلي.
د ځوان نوي باتوراوجسور نسل پیغلواوځوانانو د ملي پیوستون اومبارزخوځون درامنځته کیدو په هیله .
اکبري ـ ۸/۱۰/۲۰۲۰

- Advertisement -

LEAVE A REPLY

Please enter your comment!
Please enter your name here

- Advertisment -

وروستۍ ليکني

د اسلام اباد د بلنو شا ته څه روان دي؟

داسې ښکاري چې د امریکا او طالبانو د دوحۍ هوکړه لیک په درشل کې د امریکا، اسلام اباد او طالبانو ترمنځ؛ په ټوله کې...

پـاكـۍ بـيــان

دطهارت (اودس) دواجب كيدلودليل قول دالله (ج) دی چه دقرآن شريف د المآئدة دسورت پـه شپـږم آيت كښی فـرمايى: ﴿يآيهاالذين امنوااذاقمتم الى الصلوة فاغسلووجوهكم...

داودس سنتونه

ويمنځل ددواړولاسودی مخكی له هغه نه چه په كوم لوښی كښی لاسونه غوټه كړی لكه څنګه چه نبی (ص) فرمايلی دی هرڅوك چه ستاسونه...

دغسل بـيـان

غسل پردری قسمه دی فرض غسل، واجب غسل او سنت غسل. فرض غسل هم دری(٣) ډوله دی دجنابت غسل، دحيض غسل اودنفاس غسل، په...

دحوض او څاه د اوبو بيان

دحـوض داوبـوبيـان يودومره لوى حوض چه په يوه څنډه كښى ئې مردارى ولويږى اودمقابلى څنډى اوبه پلاس سره وښورول شى كه مردارى ونه ښوريدل نودمردارۍ...

دتـيـمـم بـيـان اواحـكام

تيمم دپاكۍ اوطهارت لوى ركن دى چه په آيت اوحديث سره ثابت دى دقرآن كريم دسورت المـآئدة په شپږم آيت مبارك كښى الله (ج)...

Recent Comments