Home سياسي او ټولنيزې ليکني سپیني خبرې او شریری څیرې

سپیني خبرې او شریری څیرې

کلونه پخوا مې دقومونو اوقبایلودعالي جرګې دمرکزي شورا دمنشي په توګه د ولسي اوجرګه ییزي دندې ویاړ درلود .یوي پراخې ولسي غونډه کې دګډون په موخه دخوست ولایت دصبریو ولسوالۍ اړوند درنه ،مجرب اوپوه سپین ږیري اروښاد متقاعد ډګروال حسین خان صبري ته چې دکابل په کارته نو کې استوګن و،ورغلم.
هغه خورا مهربانه،خواخوږی اومهربان شخصیت واو له درنه روغبړوروسته مې په خورا ادب اودرنښت هغه ته دګډون بلنه ورکړه.هغه خدای بښلي ماته تل وراره ویلې او راته کټ،کټ له خندا شین شو. له لږسوچ وروسته یې راته وویل:
کومه جرګه ؟ اودڅه لپاره جرګه؟
په ځواب کې مې ورته وویل چې په هیواد کې دسم سمکي ،هراړخیز ټیکاواود مرورو وروڼو سره دپخلاینې جرګه.
هغه د ده په څنګ کې چلم ته اورلګیت ولګاوه او له چلمه یې شنه دودونه پورته کړل اود هغه سره جوخت یې راته وویل:
دسترګو توره وراره خپه نه شی زه سپین ږیری اودګور په غاړه ولاړیم سپیني،سپیني به درته ووایم چې نه موږ مشران،قومي مخوراو عالمان څه کولای شواونه تاسوپه پرچم اوخلق ویشل شوی واکمن ګوند.ځکه موږ پخپل هیواد کې د ازادوپریکړو واک نه لرو .رښتینی واک د کریملین دماڼی دلوی واکدارلیونید بریژنیف اوپه افغانستان کې دسرولښکروسره دی.
له هیواد څخه وتلي کډوال وروڼه له موږڅخه هم لا بدتره د استعمار په جالونوکې راښکیل دي پاکستاني پوځیانو هغوی په اوو متخا صمو تنظیمونواو ایراني آخوندانو په اتو بیلابیلو ډلو ویشلي دي اودټولو جهادي تنظیمونو واک اوتمویل دسپیني ماڼۍ دواکدار رونالد ریګن اودهغه دڅار ګرو په لاس کې دی اودافغانستان برخلیک ،نیکمرغي اویا بدمرغي دبریژنیف اوریګن په دپلوماسۍ پوري تړلي ده .نو وراره:
زما پیغام اواحترام دجرګې غړوته ورسوه اوزه له ګډون څخه معذرت غواړم.
ما ورسره ډیر جر اوبحث ونه کړخودخوشال بابا شعر مې ورته ووایه:
که آسمان دې د زمري په خوله کې ورکا ــــــــ دزمري په خوله کې مه پریږده همت
هغه معنا داره وخندل ویې ویل :
له بده مرغه دوو زمریانو یو په سر اوبل په پښو کې نیولي یو.
دهغه له حضوره را رخصت شوم خو په ډانګ پیلي سپینوخبرو ته یې دخیالونو په ټال ځنګیدم.
خدای بښلی ریس ارکان ډګروال الحاج حسین خان صبری دې خدای وبښي .هغه رښتیا ویل دافغانانوبرخلیک دریګن اوبریژنیف په لاسو کې وواودادی کابو دڅلورو لسیزورا په دیخوا دسپیني ماڼۍ اوکریملین ماڼۍ دبیلابیل زعامت دتلون اوبدلون په پړاوونو کې اوس هم دوه نوي پړانګان ولادیمیرپوتین اودونالد ترومب د سپیني ماڼۍ اوکریملین ماڼۍ له برجونوڅخه دافغانستان دشرغوبل اودافغانانودوینو بهیدو نـنداره کوي.
دعلي شریعتي یوه پخه خبره مې ډیره خوښیږي هغه وایې:
استعمار تل هڅه کوي چې دملتونود ایل کولو لپاره دهغه وګړو ملي غرور ووژني اوکله چې په انسان کې ملي غرورله منځه لاړنودغلامۍ رسئ یې په غاړه کې ولویږي.
دهیواد اوسني ترینګلی اوکړکیچن پړاو دهیواد دوښمنو لاسپوڅو غلامانواو پیژندل شویورسوا څیرو دملي نفاق اوقومي تخاصم اوتقابل درامنځته کولوپه رذیلانه هڅواولمسوونو رامنځته شوی او په کابل کې دمحشري زړه بوږنوونکي ناتار اوملي ماتمي غمیزي را وروسته خونړۍ پیښې اوځاني بریدونه د دوو منحوسو،منفوروسبوتاژګروڅیرو ډیورند چیف مارشال لطیف پدرام اود قومي،سمتي سکټاریست اودلاجوردو،زمردومافیایې غل ضیا مسعود دمنفي کړنوپایله ده او د دوی له خوا افغاني ضد خصمانه سیاست دافغانستان دوروڼوقومونواوولسونولپاره دمور بم اوټانکري بم څخه هم خطرناک اودمسکو،طهران اوتورپنجاب یوه ماهرانه توطیه ده.وروڼه افغانان ګډ تاریخ،ګډافتخارات اوګډملي غرور لري دهغو دوښمنان دی لارسوا اونابود وي.دروڼ اندواو وطنپالومدني فعا لانو،جیدودیني عالمانواوملي شخصیتونودپیوستون اوکارنده خوځښت په هیله.
اکبري
۴/۶/۲۰۱۷

- Advertisement -

LEAVE A REPLY

Please enter your comment!
Please enter your name here

- Advertisment -

وروستۍ ليکني

د اسلام اباد د بلنو شا ته څه روان دي؟

داسې ښکاري چې د امریکا او طالبانو د دوحۍ هوکړه لیک په درشل کې د امریکا، اسلام اباد او طالبانو ترمنځ؛ په ټوله کې...

پـاكـۍ بـيــان

دطهارت (اودس) دواجب كيدلودليل قول دالله (ج) دی چه دقرآن شريف د المآئدة دسورت پـه شپـږم آيت كښی فـرمايى: ﴿يآيهاالذين امنوااذاقمتم الى الصلوة فاغسلووجوهكم...

داودس سنتونه

ويمنځل ددواړولاسودی مخكی له هغه نه چه په كوم لوښی كښی لاسونه غوټه كړی لكه څنګه چه نبی (ص) فرمايلی دی هرڅوك چه ستاسونه...

دغسل بـيـان

غسل پردری قسمه دی فرض غسل، واجب غسل او سنت غسل. فرض غسل هم دری(٣) ډوله دی دجنابت غسل، دحيض غسل اودنفاس غسل، په...

دحوض او څاه د اوبو بيان

دحـوض داوبـوبيـان يودومره لوى حوض چه په يوه څنډه كښى ئې مردارى ولويږى اودمقابلى څنډى اوبه پلاس سره وښورول شى كه مردارى ونه ښوريدل نودمردارۍ...

دتـيـمـم بـيـان اواحـكام

تيمم دپاكۍ اوطهارت لوى ركن دى چه په آيت اوحديث سره ثابت دى دقرآن كريم دسورت المـآئدة په شپږم آيت مبارك كښى الله (ج)...

Recent Comments