طنز
محمود نظری
په بولو ایمان پلورل
هغه چې په لوچکي د واک ووټ غواړي
لکه بې پرتوګه لیونی چې سوټ غواړي
که په یوه لنګته ټول ښار ګزوپل کړي
ولس په خپل رنګ کې دهغه کوټ غواړي
(په لوچکي واک غواړي)
***
هر ډنګر لندک دلته کورۍ دبوټ غواړي
هر پلن شلنډ خپل انځور د سیاست په نوټ غواړي
ددې ګل مرجانانو په غرتو پرتو مه ختاوځئ
هغوی چوپړ نه یوازې مازی تالان اولوټ غواړي
(غله دي )
***
چې پیسو او واک ته نه لري ایمان
هغه انسان سي بدتره تر لوی شیطان
له هغه انسانه هیڅ تمه مه کوه دخیر
په ژیړو بولو پلوري هغه خپل ایمان
(دهغو تمه مه کوه )
***
چې یو خر یو وار مارشال یا وزیر مقرر سي
تر کړوسي او کوسي یې تقدیر یو لمبر سي
چې یو وار دچا نوم سیاست مردار سي
اولاد یې دمور په نس کې رهبر سي
هر یو دمور له نسه راوځي په امرانه ټوخي
دهغو بیا کله ګوز مات په تبر سي
