ریاکاره زاهدان

سید عبیدالله نادر

۱۳۷۶ د هجرت کلونه پیښاور

ریاکاره زاهدان
دلتـه هیڅوک ،خپــــل مراد ته نه رسیږي
یو شـــــیبه دچــا نه غم نه لـــــیری کیږي
دغضب کــــاڼي په کلـــــي او کور اوري
دا دکــاڼــــوبــارانـــونـــه، نـــــه ودریږي
یو ګل نه وي کړی ،سـر پورته له خاورو
چی جاهل په لاس په بوټي کې زمولییږي
جهـــالت اورونـه بل،په هری خـــــوا دي
غمـــخواران د زمـــاني پـه کــې ورتیږي
کـه دردمند په نامــه پورته شـي ، یو سر
د هغـــه سر د ملحــد په نوم ، غــوڅیزی
کاروانونه د دردمـــنو ،زمونږ په مخ کې
د پردو په اشـــارو کې ، وژل کـــــــیږي
دسیسی چې د اغیـــــــارو شـــنډی کاندی
سرو مــال به یــــــی ،هرومــرو لوټیږي
چي مقـــام د امارت یي شـــي تر لاســـه
څو نادانه د خـــپل ورورسره ، جنګیږي
په لمــسون او اشـــارو، د دښمـــــــــنانو
هر ناکس او بــی خــــــبره غــلامــــیږي
اعتماد په دي بازار کـې ، په کار نه دی
چي د دین متاع په څو پیســو خـرڅیږي
غلامی دلـــــــته معـــیار دشخــــصیت دی
په دي کار باندی غـــافل کـــــله شرمیږي
چي د دین په رمز یو ټکی، هم پوه نه وي
ساتــــــندوی،د شریعـــت دلتـــه جوړیږي
په جامـــــه کــــې د تقوا،منبر ته خـــیژي
خو پردو له خـــولي بلبل غوندي غږیږي
دا دنیــــا د آیـيني په شـــان ،مثــــــال دی
ریا کـــاره زاهدان په کې ،ښـــــکاریږي
څوک پابند د عــقیدی او ایمــان ، نه دي
د مقــام په خــاطر هر څــه نــه تیریږي
بندش نشته په سازش باندي دي ښار کې
ایتلاف هــــــم د ابلـــیس سره ، چلیږي
جهـــــالت په لــمبو وســـــــیزل ښارونه
لا تر اوســــــــه دکیني اور، نه سړیږي
چې رڼا یي په تیاره زړونوخـــــوره شي
دي بیدیا نه ،معرفت لمــر نه راخـــیژي
زمونږ له ډیره بیــــــباکۍ او جهــــــالته
ګردابو کــــې دامـــــــید کشتۍ، ډوبیږي
فیصــــــلی چاری که پاتي شي نادان ته
دا لړۍ به په مــونږ،نوره هـــم اوږدیږي
د امید سترګي مو څــــــاري ،بهبود لاره
چي نژدو کې به ،دردمن راپورته کیږي

نور ښکاره کړئ

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

دا هم ولولی
Close
Back to top button