دڅوارلسمې روژې تحفه

لیکوال:محترم ډاکترصاحب نثار احمد صمد واصفی

د نن زرین اصل :

روژه د الله یو امانت دی . په دې امانت کی جسماني او نفسانی دواړه قیودات ، تحدیدات او مقررات شامل دي . نو ځکه روژه د مکافاتو او مجازاتو په منځ کی ده . رسول الله (ص) فرمایلی دي : « هر شی زکات لری ، خو د بدن زکات روژه ده » . او دا هم څوارلسمه تحفه ( نثار احمد صمد واصفی ) :

د یو قوم تباهي
ابن عباس (رض) وایی :

کله چی یو قوم په غنیمت کی خیانت پیل کړي ، د هغوی په زړونو کی به وېره ور واچول سي .
او په کومه ټولنه کی چی زنا (بدلمني) زیاته سي ، په هغوی کی به مرګونه ډېر سی .
او کله چی کوم قوم په تله او پېمانه کی درغلي کوي ، نو روزي به ترې واخيستل سي .
او کوم ولس چی له حق نه پرته فیصلې کوي ، په هغوی کی به وينی تویول زیات سي .
او کوم قام چی خپلی وعدې او لوزونه ماتوي ، الله جل جلاله به دښمن پر مسلط کړي .
منبع : ( الموطا ، کتاب الجهاد ، حدیث نمبر ۲۶ ) .
ښه ګرانه لوستونکې ، که نن موږ او تاسو ټولو اسلامي ټولنو ، منجمله افغاني ټولنی ته ښه ځیر سو ، آیا پورتنۍ ګرده بدمرغۍ ، خوارۍ او تباهۍ پرې مسلطي نه دي ؟ آیا اسلامی امت باالاعم او افغاني ټولنه باالاخص په همدې مصیبتونو کی راګیر او ډوبه نه ده ؟ آیا اکثریت مسلمانان د ګمراهیو په غیږ نه دي ورغلي ؟ او آیا هغوی په دې خبایثو باندی د پوهېدو سره سره بیا هم خپلو کرغیړنو کړنو او ظلمونو ته دوام نه ورکوي ؟
عمر ډیر لنډ او ژوند ډیر بې وفا دی او د سترګو په رپ کی درومي . اوس هم ناوخته نه دی ، بلکی صرف اوسپنیزه اراده او فیصله غواړي . نن په رښتیا هم د عمل ورځ ده بېله حسابه خو سبا د حساب ورځ ده بېله عمله !

نور ښکاره کړئ

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button