آیا طالبانو عمومي عفوه مراعاتوي؟
د طالبانو له لوري د پخوانیو پوځي او ملکي کارمندانو ته د عمومي عفوې نیږدې څلور میاشتې په پوره کیدو دي خو بیا هم شواهد ښيي چې طالبان د پخواني حکومت له چارواکو سره له انتقامه ډک چلند کوي. په عین حال کې د هیواد له مختلفو ولایتونو څخه د پخوانیو حکومتي چارواکو او پوځیانو د صحرايي محکمې، ورکیدو او وژل کیدو راپورونه خپاره شوي داسې موضوع چې د ګن شمیر هیوادونو او د بشري حقونو د سازمانونو له کلک غبرګون سره مخامخ شوې ده. طالبان بیا دغه راپورونه بې اساسه ګڼي او د بشري حقونو د څار سازمان راپورونه یې هم رد کړي دي.
