یوه جرمني عالم د زړه د حملې او سکتې څخه د مخنيوي لپاره ۳ تګلارې وړاندې کړې

لیکنه: عایشه حیدري ، کابل

د جرمني پوهانو د مغزي سکتې، شکر او نورو ناروغیو د مخنیوي لپاره درې نوې تګلارې اعلان کړې.

د راپورونو پر بنسټ، الماني پوه ګرینيمایر د مغزي سکتې، شکر او نورو ناروغیو د مخنیوي لپاره چې کېدای شي د وينې د رګونو د بندیدلو له امله رامنځته شي، درې نوې تګلارې اعلان کړې.

ګرینيمایر، د فوکس سره په خبرو اترو کې وويل:

شریانونه هغه مهال بندېږي چې د وینې کوچنۍ ټوټې په التهابي جوړښتونو نښلېږي او پر سر یې غوړ را ټولېږي.

دغه پوه زیاته کړه چې دغه تګلاره د شریانونو د کلکېدو لامل کېږي چې کېدای شي په راتلونکي کې د زړه د حملې او یا سکتې لامل شي.

هغه وړاندې ویلي چې د شریانونو د کلکېدو څخه د مخنیوي يواځينۍ لار سپورټ کول دي. هغه وويل چې هر انسان باید د ورځې په اوږدو کې یوه ګړۍ سپورټ وکړي.

هغه زیاته کړه چې په دويم پړاو کې باید هر انسان د خوړو یو مناسب رژیم ولري.

دغه جرمني پوه وويل چې د شرابو او خوږو خوړل ډېر کم کړئ او پر ځای یې له سبزيو او له هغو خوړو چې لږ غوړ ولري ګټه واخلئ.

هغه همدارنګه زیاته کړه چې د زړه د سکتې او حملې د مخنیوي لپاره درېیمه تګلاره له ژور خپګان او سټرېس، ډار او اندېښنې څخه مخنیوی دی.

نور ښکاره کړئ

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button