Home سياسي او ټولنيزې ليکني ګوربت اودعرب توره څنګل

ګوربت اودعرب توره څنګل

دعربوپه یوه سوځنده دښته کې دچلتاري عرب په توره څنګله دافغانستان دآسمان څکو،یاغي اوښیرازه غرونوسري سترګی ګربت ناست و،چې ګنې په وچه سپیره دښته کې دهغه دښکارکولو او لوړو الوتنو ننداره وکړي.خوګوربت وچې اوسپیري دښتي ته په حیران ،حیران کتودخیالونوپه ټال کې ولاړورته دسپین غر،تورغردهندوکش اوپامیرلوړې اوواوریني څوکي وریادې شوي .ښیرازه،زرغونې دنښترودنګې ونې دڅیړیو،شنوموماڼواواغزنو ګور ګوروپوښل شوي کږې وږې درې اوګږلیچونه وریادشول.دتیره خنجرپه څیرتیره څوکه اوخپلې اغیزمنې سترګې یې پاس په شنه هسک کې خښې کړې.دتالندې بریښناپه څیرګړندی آلوتنه یې هډوهیره وه اولکه چې له ځانه سره یې داشعرزمزمه کاوه:

دیاغي مرغه وزروم خواوس نه یم دژیړي مازدیګرلمروم خواوس نه یم

ای دلوړوغرو یاغي ګوربته!

ته هسې انګیرې چې یواځې ته په زړه ټپي اودخواږه وطن له درنې غیږې شړل شوی اوپلورل شوی یې.دزوکړې ځالې اوګلالۍ وطن دې اوراخیستی لوړڅکې شنه څنارونه ،دنګ سرې نښترونه دغروشنې موماڼې اوګورګورې سوي دي دزرکو،سیسیواوکوتروسیلونه نه ښکاري دسپین غرله تړواودکونړدهیبت ناکواوځنګلیزوګږلیچونوهوسۍ اوښکرورې غرڅې کوچیدلي دي دپامیرپه لوړوواورینوڅوکوکې سپین پړانګان اومرینوس پسونه نه لیدل کیږي دغرونوپه لمنوکې دکوچي شپونکي دهۍ،هۍ اوډري،ډري غږونه اوزړورې چیغي نه اوریدل کیږي دمیږواوپسودرموجرسونه ورک شوي اواوس دغروپه لوړڅوکوشپونکي شپیلۍ نه غږوي.

ای زما غجمنه،پردیس ګوربته!

یوازې ته دغمونوپه ټال نه ځانګې کورپه کور،کوڅه په کوڅه،کلي په کلي اودهیواد په ګوټ ،ګوټ کې دسووساندواوناورین انګازې خپرې دې آن چې اخترونه موپه سرو وینو او غم لړلي دي .اودکلي جونه چمبې نه وهي اوچټو ځلمیانوداتڼ مستي هیره کړي اودوطن مورجانې اوبوري میندې دشهیدوځلموشناختوته دویرسندرې بولي اوپه سمندرونوکې دلاهوشویواولادونودټپي،ټپي ارمانونوپه یادیې دهسک په لوري لاسونه لپه نیولي دي.

ای په شنوډالروپلورل شویه ګوربته!

بې ضمیره اوبې وجدانه سوداګرلاپه کمین کې ناست دي هرڅه لوټي اوستا دبرمیال اوله غروره ډک تاریخ دپلوراوخرڅلاوپه کرغیړنه سوداګرۍ بوخت دي.

غمجنه ګوربته راته غوږشه اودعرب دتوري څنګلې نه پاس هسک ته والوزه راوالوزه اودنړۍ په ګوټ،ګوټ کې غیرتي افغانانوته داپیغام ورسوه!

ای در په در،خاورې په سرخورو،وروافغانانو!

افغانستان مه هیروی،افغانستان مه هیروی،هوکې افغانستان مه هیروی.

مور مې لور ده دسپین غر پلارمې زوی دی دتورغر

اوزه زوی دافغانستان یم

بسم الله اکبري

۲۶/۱۰۲۰۱۶

هالینډ

- Advertisement -

LEAVE A REPLY

Please enter your comment!
Please enter your name here

- Advertisment -

وروستۍ ليکني

د اسلام اباد د بلنو شا ته څه روان دي؟

داسې ښکاري چې د امریکا او طالبانو د دوحۍ هوکړه لیک په درشل کې د امریکا، اسلام اباد او طالبانو ترمنځ؛ په ټوله کې...

پـاكـۍ بـيــان

دطهارت (اودس) دواجب كيدلودليل قول دالله (ج) دی چه دقرآن شريف د المآئدة دسورت پـه شپـږم آيت كښی فـرمايى: ﴿يآيهاالذين امنوااذاقمتم الى الصلوة فاغسلووجوهكم...

داودس سنتونه

ويمنځل ددواړولاسودی مخكی له هغه نه چه په كوم لوښی كښی لاسونه غوټه كړی لكه څنګه چه نبی (ص) فرمايلی دی هرڅوك چه ستاسونه...

دغسل بـيـان

غسل پردری قسمه دی فرض غسل، واجب غسل او سنت غسل. فرض غسل هم دری(٣) ډوله دی دجنابت غسل، دحيض غسل اودنفاس غسل، په...

دحوض او څاه د اوبو بيان

دحـوض داوبـوبيـان يودومره لوى حوض چه په يوه څنډه كښى ئې مردارى ولويږى اودمقابلى څنډى اوبه پلاس سره وښورول شى كه مردارى ونه ښوريدل نودمردارۍ...

دتـيـمـم بـيـان اواحـكام

تيمم دپاكۍ اوطهارت لوى ركن دى چه په آيت اوحديث سره ثابت دى دقرآن كريم دسورت المـآئدة په شپږم آيت مبارك كښى الله (ج)...

Recent Comments