چيګوارا څوک و ؟

چيګوارا څوک و ؟
تازه ګل شینواری
اېرنېستو چيګوارا د 1928 کال د جون په 14مه نېټه په آرژانتين کې زېږېدلی و . په 1953 کال کې ېې د (بوېنېس آېرېس) پوهنتون د طب د څانګې څخه ډيپلوم تر لاسه کړ. لا له ماشومتوب څخه د مبارزې پر روحېه سنبال و . د هغه پلار کيڼ اړخه نظریات لرل او د دوهمې نړېوالې جګړې پر مهال هغه او مېرمن ېې ( د چيګوارا پلار او مور) د هغې ډلې غړيتوب درلود ، چا چې د اراژنتين د ديکتاتور مشر ( خووان پېرونا ) پر وړاندې وسله واله مبارزه کوله . چيګوارا ېو څه وخت لپاره مکسيکو ته ولاړ او هلته ېی په ېو روغتېايي انستيتيوت کې د ډاکټر په حېث دنده واخيسته او له همغه ځاېه د هغه د سترې مبارزې لړۍ پېل شوه . خبره داسې وه چې هغه په مکسيکو کې د ( فيډل کاسټرو ) سره معرفي شو چا چې په کيوبا کې د انقلاب لپاره ځان چمتو کاوه . اېرنېستو همدغه وخت پرېکړه وکړه چې د طبابت له هوسا مسلک څخه لاس واخلي او خپل ژوند انقلابي مبارزې ته وقف کړي . د کيوبا په انقلاب کی د هغه بې مثاله جګړه ايزې وړتېا تبارز وکړ ، هغه ېو زړور سرتېری او پوخ قومندان شو . که څه هم چې هغه د ساه بندۍ سخت تکليف درلوده خو د دې باوجود ېې د جګړې ډګر په ډیر کامېاب ډول اداره کاوه . هم ېې جنګ رهبري کاوه او هم به ېې د زخمیانو درملنه کوله . د جنګ په میدان کې ډېر قاطع او حتا بې رحمه و خو هېڅکله ېې د خپلو سرتېرو سپکاوی او توهین نه کاوه .کله چې د کيوبا انقلاب کامیاب شو نو کاسټرو خپله ټوله توجو د کيوبا بېا جوړولو ته واړوله خو چيګوارا نه غوښتل چې مبارړه همدلته ختمه وبولي او ارام ژوند غوره کړي. هغه غوښتل چې په نورو لاتين امريکايي ( او نړۍ) هېوادونو کې هم انقلابونه تر سره کړي نو په 1965 کال کې له کيوبا څخه ( کانګو ) او ېو کال وروسته له هغه ځایه ( بولېيوېا ) ته ولاړ . په بولېوېا کې د هغه د نيولو لپاره سخت عملېات او کمينونه تر سره شول چې په دغو عملیاتو کې د متحده ايالاتو استخباراتي ادارې CIA ستر رول لوباوه . 1967 کال کې چيګوارا ونيول شو . تر اوسه هم څوک نه پوهېږي چې د هغه د وژلو امر چا ورکړی و خو د اکتوبر په نهمه نېټه د ( لا-ايګيره ) په نوم د ېوې سيمي په کليوالي ښوونځي کې د هغه د چاندمارۍ کولو حکم عملي شو.

د هغه د ېوې وېنا متن داسې و :که زه ېې وباېلم هم ، د دې مانا دا نه ده چې د دې جنګ ګټل به ناشوني وي، د ايورېست لوړې څوکې ته ختلو کې ډېر خلک ناکام شوي وو ،خو ( ايورېست ) بلاخره فتحه شو .

- Advertisement -

LEAVE A REPLY

Please enter your comment!
Please enter your name here

- Advertisment -

وروستۍ ليکني

د اسلام اباد د بلنو شا ته څه روان دي؟

داسې ښکاري چې د امریکا او طالبانو د دوحۍ هوکړه لیک په درشل کې د امریکا، اسلام اباد او طالبانو ترمنځ؛ په ټوله کې...

پـاكـۍ بـيــان

دطهارت (اودس) دواجب كيدلودليل قول دالله (ج) دی چه دقرآن شريف د المآئدة دسورت پـه شپـږم آيت كښی فـرمايى: ﴿يآيهاالذين امنوااذاقمتم الى الصلوة فاغسلووجوهكم...

داودس سنتونه

ويمنځل ددواړولاسودی مخكی له هغه نه چه په كوم لوښی كښی لاسونه غوټه كړی لكه څنګه چه نبی (ص) فرمايلی دی هرڅوك چه ستاسونه...

دغسل بـيـان

غسل پردری قسمه دی فرض غسل، واجب غسل او سنت غسل. فرض غسل هم دری(٣) ډوله دی دجنابت غسل، دحيض غسل اودنفاس غسل، په...

دحوض او څاه د اوبو بيان

دحـوض داوبـوبيـان يودومره لوى حوض چه په يوه څنډه كښى ئې مردارى ولويږى اودمقابلى څنډى اوبه پلاس سره وښورول شى كه مردارى ونه ښوريدل نودمردارۍ...

دتـيـمـم بـيـان اواحـكام

تيمم دپاكۍ اوطهارت لوى ركن دى چه په آيت اوحديث سره ثابت دى دقرآن كريم دسورت المـآئدة په شپږم آيت مبارك كښى الله (ج)...

Recent Comments