Home سياسي او ټولنيزې ليکني د ډله ييزه وژنې وسلې!

د ډله ييزه وژنې وسلې!

 

په  فطري توګه وسله د انسان او انسانيت دښمنه ده، خو کله ناکله د انسان او د انسانيت د پت او عزت د ساتنې په موخه هم کارول کېدای شي. وسلې د کار د بنسټ له مخې په درې ډوله دي. لومړی، هغه ډول چې، د کيميا او کيمياوي تعاملونو پورې اړونده خاصيتونو پر بنسټ کارکوي. دويم، هغه ډول و سلې چې، په بيولوژي او  بيولوژيکي خاصيتونو پورې اړونده تعاملونو پرمټ کار کوي او درېيم، هغه ډول چې، د فزيکي او په ځانګړې توګه د هستوي  فزيک او هستوي  تعاملونو پر اساس کار کوي  چې، دې درېيو ډولونو ته په ترتيب سره کيمياوي، بيولوژيکي او هستوي وسلې وايي. دغه وسلې د هغو د وراني او تخريب د کچې له مخې بيا هم په درې ډوله خفيفه، ثقيله او د ټول وژنې وسلو په ګروپونو وېشل کېږي. زهٴ  غواړم،دلته  په درېيم ګروپ چې،د ډله ييزه وژنې وسلې دي،رڼاواچوم.

د ډله ييزه وژنې وسلې: هغه ډول وسلو ته ويل کېږي چې، د هغو په کارونې سره لږ تره لږه  تر سلو ډېرو انسانانو ته مرګ  ژوبله واړوي، ودانۍ  ويجاړې کړي، طبيعي شتمنۍ زيانمنې کړي او همدارنګه د ځمکې د اټومسفېير د زيانمن کېدا لامل وګرځي.

کيمياوی وسلې: د ډله ييزه  وژنو وسلو له ډلې څخه ګڼل کېږي. په دې ډول وسلو کې د کيمياوي  توکو له زهرجنو او وژونکو خاصيتونو څخه کار اخېستل کېږي، په کيمياوي وسلو کې د وسلو د چادونې ځواک د وسلو بنسټيز اصل نه، بلکې د هغو د زهرجنتوب وسله ييز وس او ځواک د وسلو بنسټيز اصل بلل کېږي. په زرګونو کيمياوي توکي کولای شي چې، د کيمياوي وسلو په بڼه وکارول شي. کيمياوي ګازونه د انسان وژنې، د ژونديو موجوداتو د عادي حالت د بدلون، د کروندو د وراني، وچاوي، د څارويو د لوږې او نورو ناروغيو لامل کېدای شي. په نړيوالو قانونونو کې هره هغه کيمياوي ماده  چې، زهري خاصيت ولري، کيمياوي وسله ګڼل کېږي. دا وسلې په لومړي ځل د جرمنيانو له خوا کارول شوې دي.

ټيټه بيه، په بېلابېلو ډولونو د لېږدونې وړتيا، رواني او فزيکي اغېزې، د کيمياوي وسلو له ګټورو خاصيتونو څخه شمېرل کېږي. د ځينو کيمياوي اجنټونو په توليد کې د پېچلې ټکنالوژۍ اړتيا، د زيان ناسمې کچې ټاکنه او د زيان د سيمې ناسم کنټرول، د کيمياوي وسلو له  ناسمو خاصيتونو څخه شمېرل کېږي.

بيولوژيکي وسلې: د ډله ييزو  وسلو له ډلې څخه شمېرل کېږي. په بيولوژيکي وسلو کې د ژونديو ژونکو او ويروسونو څخه کار اخېستل کېږي. بيولوژيکي وسلې کولای شي، نېغ په نېغه اغېزه ولري او ياهم کولای شي چې، د اوږدۀ مهال لپاره خپلې اغېزې په  داسې ډول  پرېږدي چې، په لنډمهال کې د چا ورته پام  نه شي، انټراکس د بيولوژيکي وسلو يوه ستره پېژندل  شوې بېلګه ګڼل کېږي. تبه، ستړيا او وينه بهېدنه په بيولوژيکي او کيمياوي  وسلو کې د معروضيت ګډې نښې ګڼل کېږي.

د لېږد يې  اسانه او بېلابېلې لارې، په لنډ مهال کې د نه پېژندتيا ځانګړتېا، ټيټه بيه، لږ حُجم، په سخته باندې دفعه کول، ودانيو او مړو موجوداتو ته زيان نه رسول، د بيولوژيکي وسلو له ګټوڅخه دي. همدارنګه زهرجنتوب، په سختۍ يې توپير کېدل، د خپراوي  سخت کنټرول او د پېژندګلوۍ سخت ميخانيکيت د بيولوژيکي وسلو له ناسمو خاصيتونو څخه ګڼل کېږي.

هستوي وسلې: دا هم د ډله ييزه وژنې وسلو له ډلې څخه شمېرل کېږي. هستوي وسلې د دوو هستوي تعاملونو ( هستوي انشقاق او هستوي اتحاد ) پر بنسټ کار کوي. هغه چې، د هستوي انشقاق پر بنسټ کار کوي د اټومي وسلو او هغه چې،د هستوي اتحاد پر بنسټ کار کوي، د هايډروجني وسلو يا بمونو په نامه ياديږي. د دغو وسلو د وراني او ويجاړتيا ځواک  خورا ډېردی، لنډمهاله او اوږدمهاله زيانونه لري چې، له چټکې چاودنې پيل تر اورلګونې او اوږدمهاله وړانګونې ( تشعشعاتو ) پورې رسېږي. د هستوي  وسلو ډېر خطرناک ډول  هستوي بمونه دي چې، د سون توکي يې له معمول سره سم يورانيم او ياهم  پلوټونيم  وي. په داسې حال کې چې، د هايډروجني بمونو د سون توکي يوازې هايډروجن  وي. يو کوچنی ( زر کيلو ګرامه ) هستوي  بم د يوۀ ښار د وراني  لپاره بس دی. يو داسې هستوي بم چې، يو ټن  وزن ولري، د يوه ٴ ښار د بشپړ وراني  لپاره کافي دی. د يو ټن يورانيمو انرژي د يو مېليون  ټنو باروتو له انرژۍ سره مساوي ده. نورې وړې هستوي وسلې هم شته چې، کمزوري شوي يورانيم  په کې کارول کېږي. د هستوي وسلو کارونه په  بشپړه توګه منعه او  بنده ده. ټيټه  بيه، ډېره انرژي، د تعامل چټکتيا او لږه کِتله د هستوي  وسلو له ګټو او د وراني او  ويجاړتيا لويه کچه، له کنټرول څخه وتلې زيانونه، اوږدمهاله اغېزې او د ساتنې پېچلی ميخانيکيت د هستوي وسلو له ناسمو خاصيتونو څخه ګڼل کېږي.

 

فضل وزير هيله من

- Advertisement -

LEAVE A REPLY

Please enter your comment!
Please enter your name here

- Advertisment -

وروستۍ ليکني

د اسلام اباد د بلنو شا ته څه روان دي؟

داسې ښکاري چې د امریکا او طالبانو د دوحۍ هوکړه لیک په درشل کې د امریکا، اسلام اباد او طالبانو ترمنځ؛ په ټوله کې...

پـاكـۍ بـيــان

دطهارت (اودس) دواجب كيدلودليل قول دالله (ج) دی چه دقرآن شريف د المآئدة دسورت پـه شپـږم آيت كښی فـرمايى: ﴿يآيهاالذين امنوااذاقمتم الى الصلوة فاغسلووجوهكم...

داودس سنتونه

ويمنځل ددواړولاسودی مخكی له هغه نه چه په كوم لوښی كښی لاسونه غوټه كړی لكه څنګه چه نبی (ص) فرمايلی دی هرڅوك چه ستاسونه...

دغسل بـيـان

غسل پردری قسمه دی فرض غسل، واجب غسل او سنت غسل. فرض غسل هم دری(٣) ډوله دی دجنابت غسل، دحيض غسل اودنفاس غسل، په...

دحوض او څاه د اوبو بيان

دحـوض داوبـوبيـان يودومره لوى حوض چه په يوه څنډه كښى ئې مردارى ولويږى اودمقابلى څنډى اوبه پلاس سره وښورول شى كه مردارى ونه ښوريدل نودمردارۍ...

دتـيـمـم بـيـان اواحـكام

تيمم دپاكۍ اوطهارت لوى ركن دى چه په آيت اوحديث سره ثابت دى دقرآن كريم دسورت المـآئدة په شپږم آيت مبارك كښى الله (ج)...

Recent Comments