سرخلاصی لیک

سرخلاصی لیک

درنې خور انګلامیرکل اودآلمان دغیورملت درنو چارواکو!

دادب اودرنښت مراتب مې ومنی اوورسره جوخت غواړم دیوه دردیدلي اوبې وزلي کډوال اودآلمان ستر ولس ته دیوه ځانګړي بې شایبې ژورعقیدت له مخې دزوریدلواوجګړه ځپلوافغان کډوالو په اړه دبشرپالنې په احساس څواړین ټکې ستاسوسره شریک کړم.

زه هم هغه افغان کډوال یم چې کابوشپاړس کاله دمخه دخپل کلي،مېنې له ورانواوخړوکوڅوڅخه په ژړاندوسترګواوناپایه دردونوسره اروپاته راکډوال شوم اوهمدامهال دهالیندپه هیواد کې استوګن یم خودخپل خواږه خوغمجن اوکړیدلي وطن سترناورین اوجګړه ییزبې رحمه ناتاراوبې ساري تراژیک حالت ته دیوه افغان اوانسان په توګه سخت زوریږم اوله بده  مرغه دهیواد دجوړیدواودسولې دټینګښت هیلي مو،زمولل شوي اوزړه بوږنوونکې ناهیلۍ موسترګوته دریږي چې یوه څرګنده بیلګه یې په دې شپواوورځوکې دافغانانوډله ییزاوکتلوي دشرایطوداجبارله مخې مهاجرت دی چې ډیری کډوال دالمان په لوري راخوزیدلي دځنګلونودسختولارواوسمندري څپوسره په ډغرووهلواودمرګ کومي ته په ځان سپارلویې ستاسوحضورته دټپي،ټپي اوسووهیلوځولۍ اولمنې غوړولي دي څوستاسوپه لوی هیوادکې دخپل دردیدلي اوجګره ځپلي ژوند دټکوراوتسکین دمه وکړي.

خوله بده مرغه په دې شپواوورځوکې داسې اوازې دي چې ګني د دغودسترواوستړوهیلودرلودونکي افغانان بیرته خپل هیواد ته په اجبارستانه اود دوی ځولۍ،ځولۍ انساني هیلي لکه دسمندرپه څپوکې دغرق اولاهوشویوافغانانوپه څیردناهیلیوپه تورسمندرکې لاهواوتالاترغه شي زما دبې وسه اوبې وزلي افغان په ا ند به داهڅه اوپریکړه دافغان ،جرمني د دوستی اوتاریخي ژورې ورورګلوی په تاریخ کې یودردوونکی یادګار وي اوترهغه ځایه چې مادخپل ژوند په بهیراود تاریخ په مدرسه کې دافغان ولس عامه افکارارزولي اوچڼ کړي دي هغه داچې دځمکې په کره کې دنوروستروابرځواکونوپه پرتله افغانان تل دالمان په دوستۍ ویاړي اوداورورګلویزي پخې اورښتیني اړیکي دافغانستان په معاصر تاریخ کې ثبت دي.

د دویمي نړیوالې خونړۍ جګړې په بهیرکې افغان غیورملت دنیږدې اولروستروهیوادونوګواښونوته لکه غرولاړاودخپلوالماني میلمنووروڼومیلمه پالنه اوساتنه یې خپل افغاني دېن اوننګ باله افغان ولس ته ګران پاچا اعلیحضرت غازي آمان الله خان دزعامت په دوران کې ستاسودوروراودوست هیوادبیلابیلې مرستې اودمدرنیزه تخنیک انتقال اود دارالامان سلطنتي ستره تاریخي ماڼۍ لا اوس هم ژوندی تاریخ دی د دغودوستانه پخوورورګلویزواړیکوبیان په دې کوچنی دزړه خواله لیکنه کې ناشونی دی خودڅوکلونودمخه د دووتاریخي خاطرویاد دکومي غوړه مالی اوطمعې پرته ستاسو مخ ته ږدم هغه داچې.

موږیوڅوتنه دخپلودندوپه اجرابوخت وو چې درادیو په څپوکې مودبرلین داستعماري دیوال دنړیدوخبرواوریداود دیوال دنړیدوهیجان دومره اغیزناک ووچې له سترګومواوښکي توی شوي اوزموږپه زړونوکې هم داهیلي راوټوکیدي چې داسې مهال اوبختورې شیبې به په موږافغانانوکله راشي چې ورسته اوبویینه د ډیورنداستعماري کرښه ونړیږي اوموږدآلمانیانوپه څیردخوښی مارشونه اواتڼونه وکړو.

لادلوی اوواحد المان دجوړیدوکال پوره شوی نه ووچې دفوټبال په نړیوالولوبوکې دالمان دفوټبال ټیم نړیواله اتلولولي وګټله اودیوموټي اوځواکمن المان غښتلتیا اوپیاوړتیایې نړیوالوته په ډاګه کړه.افغانان دزړه له تله دبرلین داستعماري دیوال دنړیدواود دغه وروراودوست هیواد په هره بریا ویاړي اوموږاوسنی نسل دخپل تاریخ په دوواتلوڅیرواتل سیدکمال اواتل محمد عظیم ویاړو چې د دوی دژوند ملګري دواړه المانۍ اوهغوی زموږدتاریخ ځلانده ستوري دي چې دخپل خواږه هیواد سره مینه یې دجرمني په هیواد کې ژوندی وساتله اودوطن دلوړوارمانونوپه لاره کې یې خپلې ککرۍ قربان کړی پوره باورلرو چې اوسني مهاجر به هم هیڅکله خپل دزوکړي اوخاپوړوټاټوبی هیر نه کړي خودالمان دلوړودولتي اوسیاسي چارواکوته مودغمجنواوټپي،ټپي هیلوډکې ځولۍ غوړولي څوآلمان دوست هیواد ته په راغلوجګړه ځپلواوغمځپلوافغان کډوالوورحمیږي اوخدای مه کړه  د دوی په بیرته ستنیدوله سره غوروکړي اودالمان افغان تاریخ لاوړانګن اودوستی اوبشري خواخوږی په مینه مزین کړي

اوس مې مه ګوره چې نه لرم ډیوه په کورکې        ما،دې هم کړي دسپوږمۍ په ځنګانه خوبونه

په ګران هیواد افغانستان کې دسولې دټینګښت اودافغانانودنیکمرغۍ په هیله.

ټینګه اوتل دی وي دافغان جرمني ورورګلویزه تاریخي دوستي.

بسم الله اکبري

۳۰/۱۰/۲۰۱۵هالینډ

نور ښکاره کړئ

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button