د سرحدونو او قبایلو چارو وزیر محمد ګلاب منګل
ډاکټر نجیب الله د حکومت له نسکوریدو وروسته د ډیورن کرښي دواړو غاړو میشت قومونو ته د افغان حکومت پاملرنه زیاته کمه شوې ده او په دغه تېر دیارلس کلن د کرزی په حکومت کې هم د پام وړ پاملرنه ورته ونشوه او همداسي له ستونزو ډک ژوند یې پرمخ بیولو، ماشومان یې له زده کړو محروم او لویان او میشت قومونه یې د ژوند د سهلتونو لکه روغتیایې ستونزو، کرنیزو ستونزو، ښوونیزو ستونزو او نورو اساسي ستونزو څخه کړیدل، د ترهګري په نوم جګړي زیات قرباني هم شول، خپلي ستونزي یې په وار وار له محلي چارواکو سربېره مرکزي ادارو مسولینو سره هم شریکي کړي خو د چا پاملرنه یې نده خپله کړي.
د کونړ ولایت یو تن اوسیدونکي محمد جان وایی چې د سردار داود خان د حکومت پرمهال قبایلو ته د نورو ستونزو د حل سربېره میاشتنۍ تنخواوي ورکول کیدي ،دده په وینا د ډاکټر نجیب الله د حکومت پرمهال هم ورته کمه تومه پاملرنه کیده خو په دې وروستیو نظامونو کې هیڅ پاملرنه ورته نه کېږي.
خو د قومونو، قبایلو او سرحدونو وزیر محمد ګلاب منګل افغان ایکسپرس ته ویلی دی چې په هېواد کې به د قومي مخورو او شوراګانو په مټ وکړای شي دغو ستونزو ته د حل لارې چارې ومومي. دده په وینا هڅه کوي چې د قومونو ترمنځ د ستونزو په حل کې همغږي رامنځته کړو او د جرګو اوتګ راتګ په وسیله ددوی ترمنځ اړیکو ته پراختیا ورکړو، ترڅو دغه اړیکي اوهمغږي په هېواد کې دښوونې اوروزنې، روغتیایي چارو، ټولنیزو ستونزو د هواري، سولې او ملي یووالي په ټینګښت اوپیاوړتیا کې مثبت اغیز وکړي.
دده په وینا د ننګرهار، کندز اوهرات په ولایتونو کې به د قومي جرګو جوړولو، د هېواد دسرحدي اونا امنه سیمو بچیانو لپاره به د ښوونې اوروزنې دکیفیت، اړتیاو او اسانتیاو د برابرولو کې اړین ګامونه پورته کړي.
د سرحدونو او قومونو چارو وزیر محمد ګلاب منګل په وینا د کرښي په دواړو غاړو کې د کلتوري اړیکو او د ملي او علمي مشاهیرو د ساتنې په موخه به د مجلو او جریدو چاپولو له لیاري او په علمي اوفرهنګي شخصیتونو دسیمینارونو د جوړولو، د علمي او ادبي اثارو د چاپولو، دسرحدي څېړنو او د سرحدونو د څارنې په موخه د څیړنو ټیمونو پواسطه وکړاي چې د پولي په دواړو غاړو یو څه سړې اړیکي په تودو اړیکو بدلي کړي.
له افغان ایکسپریس څخه په مننې
