Home سياسي او ټولنيزې ليکني آيا پاكستان په ريښتيا په سيمه كې سوله غواړي؟

آيا پاكستان په ريښتيا په سيمه كې سوله غواړي؟

ځينو رسنيو دغه راپورونه خپاره كړل چې پاكستان له طالبانو څخه غوښتي چې د سولې خبرو ته حاضر شي او خپل پسرلني عمليات ودروي، په څو دلايلو افغانان بيا هم د پاكستان په نيت شكمن دي.

لومړى دا چې موږ څو لسيزې، همدغسې د جګړو او دريځونو شاهد يو، اوس چې څو عملاً د طالبانو پسرلني عمليات ونه درېږي او په امنيتي وضعه كې ښه والى رانشي هېڅوك به هم د پاكستان پر دغه پيغام باور ونه كړي، د دغه خبره له خپرېدو سره سم وروستۍ دوې ورځې په هېواد كې د جګړو او بريدونو د زياتوالي كچه لوړه ښيي.

دوهم د دې راپور له خپرېدو سره آزادۍ راډيو پرون د هېواد په شمال كې د دولت د مخالفو جنګياليو د مخ پر ډېرېدو فعاليتونو په اړه راپور درلود، په دې كې زموږ د ملي اردو منصبدارانو برالا دا تائيدوله چې د وسله والو مخالفينو قومانده د آى اس آى د منصبدارانو او نورو بهرنيانو په لاس كې ده.

دا چې اوس په مركز كې د ملي امنيت او آى اس آى تر منځ د تفاهم ليك په اړه خبرې رسنيو او سياسي محافلو ته راووتې، بېله خبره ده، خو معمولاً به د ځانمرګيو بريدونو او يا ډله ييزو حملو نه وروسته چې زموږ امنيتي مسوولينو د پېښې په اړه رسنيو ته معلومات وركول، په سلو كې تر 99 يې د اعتراض ګوته آى اس آى ته وه، تشې ادعاوې هم نه وې اسناد به هم له رسنيو سره شريكېدل او د نيول شويو كسانو اعترافات به هم وو.

اوس كه پاكستان له طالبانو څخه ملاتړ ونه كړي او په دې لوبه كې شريك نه وي، طالب او د دوى نور نړيوال ملاتړي د هېواد تر شمال خوندي ولايتونو پورې په كوم زور او د كوم ځواك په تكيه تلاى شي؟

موږ پر دې باور يو چې كه غواړو سيمه د ابليسي توطيو نه خوندي شي د پاكستان او افغانستان تر منځ ريښتينې سوله او همكاري ضروري ده، د دې همكارۍ عملي لاره همدغه ده چې دواړه لوري په ريښتينې معنا د سيمې په سوله كې يو بل ته لاس وركړي او د هغو ابليسي توطيو په مخه كې په ګډه ودرېږي چې دلته پلې كېږي او بيه يې زموږ ولسونه پر وينو ادا كوي.

آيا د پاكستان پوځ او په تېره استخبارات دې ته چمتو دي چې د توطيو له مركزونو سره خپله يارانه ختمه كړي او د خپل ولس په شمول سيمې ته د امن په راوستو كې مثبت رول ادا كړي؟

دې پوښتنې ته به لنډه راتلونكې ځواب وركوي

- Advertisement -

LEAVE A REPLY

Please enter your comment!
Please enter your name here

- Advertisment -

وروستۍ ليکني

د اسلام اباد د بلنو شا ته څه روان دي؟

داسې ښکاري چې د امریکا او طالبانو د دوحۍ هوکړه لیک په درشل کې د امریکا، اسلام اباد او طالبانو ترمنځ؛ په ټوله کې...

پـاكـۍ بـيــان

دطهارت (اودس) دواجب كيدلودليل قول دالله (ج) دی چه دقرآن شريف د المآئدة دسورت پـه شپـږم آيت كښی فـرمايى: ﴿يآيهاالذين امنوااذاقمتم الى الصلوة فاغسلووجوهكم...

داودس سنتونه

ويمنځل ددواړولاسودی مخكی له هغه نه چه په كوم لوښی كښی لاسونه غوټه كړی لكه څنګه چه نبی (ص) فرمايلی دی هرڅوك چه ستاسونه...

دغسل بـيـان

غسل پردری قسمه دی فرض غسل، واجب غسل او سنت غسل. فرض غسل هم دری(٣) ډوله دی دجنابت غسل، دحيض غسل اودنفاس غسل، په...

دحوض او څاه د اوبو بيان

دحـوض داوبـوبيـان يودومره لوى حوض چه په يوه څنډه كښى ئې مردارى ولويږى اودمقابلى څنډى اوبه پلاس سره وښورول شى كه مردارى ونه ښوريدل نودمردارۍ...

دتـيـمـم بـيـان اواحـكام

تيمم دپاكۍ اوطهارت لوى ركن دى چه په آيت اوحديث سره ثابت دى دقرآن كريم دسورت المـآئدة په شپږم آيت مبارك كښى الله (ج)...

Recent Comments